مصر عروسة النيل

                                    ياعروسة النيل ياسمرا

ياعروسة النيل ياسمرا

اليوم عرسك يادرة

اليوم يوم الفرحة

زالت الزرعة المرة

احتفلوا ياأهلى وناسى

بشعب مصر الحرة

غنوا واهتفوا ياشبابى

عاشت مصر حرة

والحصان يرقص ويدوس

على كل نظام خسيس

لكل عميل أمريكى

ولليهود جاسوس

يبيع العشب الاخضر

ويهون عليه يقتل

كما لوكان من الماجوس

اليوم ذل و مهانة

لكل سوس مدسوس

وشرف وكرامة

لشبابك المحروس

خلاص الشمس طلعت

ولخدودك تبوس

والله ارضك أمانة

وعرضك دايما محروس

وأعمارنا فى لياليكى

لو غاب القمر فانوس

بحبك ياسمرا

بحبك ياأحلى عروس

ريم البدرى 

by ريم البدرى on Friday, February 11, 2011 at 6:00pm